Ajo është një spanjolle e moshës 31 vjeçare, ndërsa ai nj bullgar 25 vjeçar. Ai që i ka bashkuar është pasioni për të udhëtuar në mënyrë alternative, pra pa shumë komoditete dhe guida, pa celularë inteligjentë, pa marrë avionët për të lëvizur nga njëri shtet në tjetrin, por për të bërë gjithçka në këmbë, bashkë me macet e tyre.
Kështu, Marta Martinez Samalea e Boris Kanev, kanë programuar të udhëtojnë plotë 511 ditë duke ecur në këmbë në drejtim të Indisë, ndërsa janë nisur nga Sofia me çantat në shpinë dhe me macet e tyre të vogla me vete.
Çifti ka kaluar në Turqi, Kurdistan, Iran, në shkretëtirën e Azisë qendrore, në Kinë dhe në Birmani, përpara se të mbërrinin në Indi. Kanë lëvizur gjithmonë në këmbë dhe kanë bërë autostop në vende të ndryshme, duke njohur kështu shumë njerëz, të cilët kanë bërë fotografi me ata dhe më pas i kanë postuar në Facebook.
“Fillimisht menduam të merrnim një fugon të vogël apo dy biçikleta për të lëvizur, por më pas kuptuam se në këmbë është më e thjeshtë dhe më interesante të vizitosh vende të ndryshme, të njohësh njerëzit, të njihesh me historinë e vendeve dhe të mos e harrosh më kurrë atë. I vlerësojmë me të vërtetë shumë ata njerëz që na kanë ndihmuar për të lëvizur”,- thotë Marta.
Ajo shton se objektivi i këtij udhëtimi ishte të mbërrinin në këmbë në Indi për të parë edhe disa shtete të tjera rrugës. “U nisëm një ditë që në Sofie binte shi. Duke ecur, kemi kaluar gjithë pranverën në Turqi, në Lindjen e Mesme dhe në Kinë, përpara se të mbërrinin më Indi, përmes Birmanisë”,- thotë vajza.
Ajo e përshkruan si një udhëtim epik, që i ngjan me udhëtimet nomade të kohëve të kaluara. Çifti ka bërë një udhëtim të gjatë prej 511 ditësh nga Bullgaria në Indi. /tesheshi.com/
