Ai adhurohej si të ishte një perëndi sepse kishte në trup, në pjesën e shpinës një bisht të gjatë 21 centimetra. Ishte një detaj i cili e kishte bërë që të gjithë ta identifikonin si perëndia hindu Hanuman.
Një bisht ‘magjik’ të cilin 14-vjeçari Arshid Ali Khan nuk ishte aspak i kënaqur apo i lumtur që e mbante në trup, duke qenë se i shkaktonte probleme të shumta.
Në muajin shkurt djali u operua dhe mjekët arritën t`i hiqnin me sukses zgjatimin në trupin e tij. Tani Arshid mund të ecë mirë, por pa pasur bishtin, ka humbur statusin e njeriut të veçantë, ‘hyjnisë’, siç e identifikonin të tjerët në fshatin e tij.
Djali ka lindur në vitin 2001 në një fshat të vogël në qytetin Chandigarh. Ai kishte një bisht prej 10 centimetrash të gjatë që kishte ‘mbirë’ në pjesën e shpinës. Qindra njerëz çdo vit shkonin dhe e vizitonin, duke i dhënë para në këmbim të një bekimi.
Pas ndërhyrjes kirurgjikale nga mjekët në “Fortis Hospital Mohali”, djaloshi arriti të lirohej më në fund nga bishti i çuditshëm, që e bezdiste dhe i krijonte probleme me të ecurin, duke treguar se nuk kishte asgjë tejnjerëzore. /tesheshi.com/
