Të notosh nga një pallat në tjetrin në një lartësi prej 10 katesh që i bie rreth 40 metra në një pishinë xhami që nuk mbahet në asnjë vend, tashmë është tërësisht e mundur.
Bëhet fjalë për një eksperiencë që çdokush që ka mundësinë dhe dëshirën, mund ta realizojë, sapo të përfundojë ndërtimi i qendrës rezidenciale Embassy Garden në zemër të Londrës. Për momentin, projekti parashikon një ‘pasarelë’ uji me thellësi prej 1.20 metra, gjatësi rreth 27.43 metra dhe lartësi prej 5.80 metra.
Do të jetë me siguri një eksperiencë e paharruar për të gjithë ata që janë të guximshëm dhe që mbi të gjitha, nuk i kanë frikë lartësitë. Për tu larë në atë që do të njihet me emrin ‘Sky Pool” do të jetë e nevojshme që të jeni banorë të këtij kompleksi luksoz, ku çmimi i një apartamenti nis nga 600 mijë sterlina për metër katror./tesheshi.com/
