Thomas Thwaites është një koncept dizainer anglez, i cili ka kaluar pushimet e tij të verës në një mënyrë me të vërtetë shumë të veçantë. Ai ka shkuar në Aplet e Zvicrës për të realizuar ëndrrën e tij të çuditshme: të jetojë si një dhi.
Për 6 ditë me radhë Thomas ka jetuar në një fermë, duke mbajtur veshur një protezë të veçantë, të projektuar nga vetë ai, e cila i ka lejuar të lëvizë me katër gjymtyrë. Anglezi ka montuar edhe një stomak të rremë, në mënyrë që të kishte mundësinë të kulloste në mal.
Qëllimi i burrit ishte të ‘hiqte spinën’ dhe të ndalonte së qeni një njeri i ndërgjegjshëm, të harronte të shkuarën dhe të mos shqetësohej më për të ardhmen.
Mirëpo, për fat të keq, jeta prej dhie nuk rezultoi ashtu si Thomas e kishte menduar, veçanërisht kur arriti të kuptonte se jeta e tij e shkuar ishte shumë e mirë. Eksperienca me katër gjymtyrë u shndërrua në një album fotografik dhe në një libër, të quajtur “Goatman: How I Took a Holiday from Being Human”, i disponueshëm në Amazon./tesheshi.com/
