Nëse gjatë pushimeve të verës keni kaluar një pjesë të madhe të kohës duke ndërtuar kështjellë me rërë në plazh, ndoshta ka ardhur momenti të shijoni një hotel të bërë tërësisht nga rëra.
Po, pikërisht kështu! Dy hotelet e para prej rëre janë hapur në dy qytete në Vendet e Ulëta: në Oss e në Sneek. Inaugurimi i tyre është bërë me rastin e një festivali të skulpturave prej rëre, i cili mbahet çdo vit në këtë vend.
Këto “Sand Hotel”, natyrisht ë janë të përkohshëm dhe të hapur vetëm për pak ditë, me rastin e zgjatjes së festivalit. Të inspiruara nga skulpturat e akullit, janë të ndërtuara me mure të hollë dhe të përforcuar me rërë të trashë, në mënyrë që të mos rrëzohen brenda pak kohësh.
Dhomat janë shumë të përshtatshme dhe tepër të rehatshme. Në to ka elektricitet, banja luksoze e madje edhe internet Wi Fi. Janë dashur javë për të ndërtuar këto hotele rërë dhe kostoja e një nate është rreth 150 euro, çmim në të cilin përfshihet edhe një turn ë festival. Dhomat janë prenotuar të gjitha brenda pak kohësh./tesheshi.com/
