A e keni menduar se cili do të jetë qyteti i së ardhmes? Nëse jo, po ju themi se është menduar për një qytet vertikal dhe ekologjik në mes të shkretëtirës së Saharasë në Marok. Kjo është ambicia e një projekti francez OXO Architects, në bashkëpunim me Nicolas Laisné Associés, i cili do të bazohet tek riciklimi, energjia e rinovueshme diellore, gjeotermia dhe mbledhja e ujërave të shiut.
Nga larg duket si një kullë e madhe prej rëre ose si një shkëmb gjigant, por dalë ngadalë, kushdo që afrohet do të gjendet në një labirint rrugësh të cilat të kujtojnë lojëra orientale.
Do të ketë hotele, dyqane, apartamente, një muze, restorante panoramike, një kopsht vertikal në qendër e madje edhe një vëzhgues të motit.
Në një farë mënyre, do të jetë një lloj pike orientimi në shkretëtirë, 450 metra e lartë, pra thuajse se gjysma e qiellgërvishtëses Burj Khalifa në Dubai, por me një sipërfaqe prej 780 mijë metër katrorë./tesheshi.com/
