I quhet Dan Tillery dhe është një djalosh nga Detroit i Shteteve të Bashkuara të Amerikës. Disa ditë më parë postoi në Facebook një fotografi bashkë me qenin e tij Diggy. Fotografia u bë menjëherë virale, pasi qeni dukej sikur po qeshte nga lumturia në atë moment.
Por, pas shpërndarjes masive në rrjetin social, kanë ardhur edhe lajmet e këqija për Dan Tillery: me shumë mundësi autoritetet do t’ia marrin qenin. Arsyeja? Ka një urdhër, i cili ndalon posedimin e një qeni të racës pitbull për të gjithë banorët e Detroitit.
Dan Tillery ka treguar me të gjitha dokumentet se bëhet fjalë për një bulldog amerikan dhe jo për një pitbull, por pavarësisht kësaj, autoritetet nuk kanë dashur të ndryshojnë mendim, ndaj Diggy do të largohet nga pronari i tij pas disa ditësh. /tesheshi.com/
