Një foto e Presidentit serb Aleksandar Vuçiç ulur para liderit të Shteteve të Bashkuara Donald Trump është bërë objekt talljeje në mediat sociale serbe e rajonale.
Le t’ju kujtojmë, një marrëveshje historike ekonomike midis Kosovës dhe Serbisë u nënshkrua në Shtëpinë e Bardhë, ku dhe Trump ishte i pranishëm.
Por fotografia e Vuçiç ulur para Trump si nxënësi para mësuesit është bërë hit.
Pozicioni i Vuçiçit, por edhe qëndrimi i tij, frymëzuan shumë përdorues të rrjeteve sociale.
Duke krahasuar pozicionin e Vuçiçit në karrigen përpara Trump, fotografitë e Josip Broz Titos ulur në një kolltuk pranë ish-presidentit amerikan Richard Nixon filluan të qarkullonin në Twitter.
Gjithashtu, janë publikuar fotot e mëparshme të klryeministrit të vrarë të Serbisë, Zoran Gjingjiç, i cili gjithashtu është ulur në të njëjtin nivel dinjiteti me ish-Presidentin George W. Bush. /tesheshi.com/
