Mund të quhet “akt pajtimi” një takim në kryeministri mes Ramës e Haradinajt. Ky i fundit ndodhet në Tiranë në krye të një delagacioni të AAK-së, për një vizite pune. Në
këtë kuadër, pati dhe një takim në selinë qeveritare me të parin e saj, Edi Ramën.
“Falënderova Kryeministrin Rama për ndihmën e shtetit shqiptar gjatë krizës energjetike në Kosovë dhe shpreha nevojën e gjetjes së mënyrave të bashkëpunimit të ngushtë mes dy vendeve në këtë kohë aspak normale”, tha Haradinaj.
Dy politikanët kanë kaluar një periudhë krize mes tyre, deri në vendimin e Ramës për ta çuar Haradinajn në gjyq për shpifje, gjë nga e cila më pas u tërhoq në shenjë pajtimi. Shkak qe një akuzë e kreut të AAK-së, sipas të cilët Rama qe shpërblyer nga Vuçiç për ndryshimin e kufijve.
Por pikëpënisja e raportit të prishur mes tyre që një taksë e vënë ndaj Serbisë. Rama qe kundër, duke u përpjekur që ta bindë që ta heq, meqë këtë ia kërkonin fort dhe
ndërkombëtarët, si kusht që Brukseli të hiqte vizat. Por Haradinaj qëndroi fort në të tijën, derisa raportet mes tyre u krisën keq. Ndikim pati dhe kriza e politikës në Tiranë, pasi Haradinaj njihet si i afërt me Metën.
Tani, gjithçka është kthyer si në kohërat më të mira, por Haradinaj nuk ka më pushtet dhe vështirë të rivijë në qeverisje. /tesheshi.com/
