Ditë pas rastit kur në Kuvendin e Kosovës, deputetja Flora Brovina publikoi një foto me pretendimin se aty shfaqeshin ushtarë serbë duke përdhunuar një grua kosovare gjatë kohës së luftës, ka reaguar Ambasada Britanike në Prishtinë, duke kërkuar hetim për rastin.
“Jemi të shqetësuar për ngjarjet që ndodhën në Kuvend javën e kaluar. Është e rëndësishme që pohimet për krime të rënda gjatë konfliktit të hetohen nga institucionet e duhura, mbi të gjitha duke u dhënë përparësi drejtësisë dhe mbështetjes për të mbijetuarit, viktimat dhe familjet, sipas sundimit të ligjit dhe jo oportunizmit politik”, është mesazhi i përcjellë në Twitter-in e kësaj ambasade.
Një ditë më vonë qe vetë deputetja Brovina që pranoi se pamjet në foto nuk janë ato të pretenduara dhe kërkoi falje për moskujdesin në verfikim. Ajo pranoi të jepte dhe sqarime në organet hetimore për rastin, se si i kish rëë në duar ajo foto. /tesheshi.com/
