Ngjarjet e kësaj jave kanë qenë dramatike sa i takon konfliktit në Siri dhe rimarrjes së Halepit në kontrollin e trupave qeveritare, pas një fushate të egër bombardimesh nga avionët e Damaskut dhe ata rusë, që kanë vrarë me dhjetëra civilë të pafajshëm. Në një përmbledhje të fotografive të javës, rrjeti BBC publikon vetëm një fotografi nga Halepi, atë të tre ushtarëve të forcave qeveritare që bëjnë selife në oborrin e xhamisë antike Umayyad, tashmë të shkatërruar, duke theksuar konstrastin me qindra fotografi që kanë bërë xhiron e botës e që tregojnë vuajtjet e fëmijëve të Halepi.
Më poshtë një përzgjedhje e fotografive më të mira që janë shkrepur rreth e rrotull botës, javën që po lëmë pas.
Shefi në largim i OKB-së, Ban Ki-moon dhe bashkëshortja e tij zbulojnë portretin zyrtar në selinë e Kombeve të Bashkuara në Nju Jork.
Forcat pro-qeveritare siriane bëjnë selfie në oborrin e xhamisë antike Umayyad në qytetin e vjetër të Alepos. Në nëntor, forcat qeveritare ndërmorrën një sulm të ashpër dhe me shpejtësi morën pothuajse të gjithë lindjen e Alepos, bastion të opozitës. Deri në mesin e dhjetorit, ata i kishin shtyrë kryengritësit vetëm në pak lagje. Më 15 dhjetor, palët arritën në marrëveshje armëpushimi sipas së cilës kryengritësit dhe familjet e tyre mund të zhvendoseshin në pjetë të tjera nën kontrollin e kryengritësve në vend dhe të plagosurit të dërgoheshin në spitale.
Sportistet amerikane, kanadeze, gjermane dhe zvicerane shpejtojnë në pistën e skive, gjatë një gare në kupën e Botës në Arosa, Zvicër.
Hëna e plotë ndriçon urën Re Island në Rivedoux, Francë.
Presidenti francez, Francois Hollande vështron ndërsa presidenti i Komisionit Europian, Jean-Claude Juncker bën shaka me kryeministrin grek, Alexis Tsipras në nisje të fillimit të samitit europian në Bruksel. Liderët europianë u fokusuan në zbatimin e marrëveshjes midis Bashkimit Europian dhe Turqisë për emigracionin dhe strategjinë e mbrojtjes së brendshme të BE-së, por më pas në të njëjtën ditë ata negociuan edhe Brexit me kryeministren britanike.
Një dru i nxjerrë nga deti, mbuluar me guacka qëndron në diell në bregun detar të Auckland në Zelandën e Re.
Biznesmendi Bill Gates mbërrin në kullën Trump në Nju Jork.
Kope me drerë në distriktin autonom Nenets në Rusi.
Të veshur me kostumet e filmit Star Wars, njerëzit pozojnë në urën Millennium në Londër për të promovuar seritë e reja.
Përgatiti: Juli Prifti – /tesheshi.com/
