Protestat e manifestimet për ditën Ndërkombëtare të Gruas, bombardimet ajrore në Guta të Sirisë, sulmi me agjent nervor mbi spiunin rus në Britani, por edhe java e modës në Paris, janë disa nga ngjarjet që përcjell këtë javë “The Guardian” në përmbledhjen e 20 fotografive më të mira të shkrepura nga fotoreporterë profesionistë.
Guta Lindore. Një djalë sirian merr trajtim mjekësor, pasi të lënduarit nga sulmet ajrore të regjimit mbi lagjet Hamouria, Saqba dhe Kafr Batna u sollën në një spital fushor në enklavën kryengritëse. Doktorët dhe punonjësit e ndihmës në rajonin e rrethuar thonë se po përballen me vështirësi të mëdha nga vala më e fundit e asaj që e përshkruajnë “si dhunë e çmendur”, gjatë së cilës më shumë se 90 njerëz janë vrarë brenda natës.Mingkaman, Sudani i Jugut. Një djalë nga tribuja Dinka mban shtizën në një kamp bagëtish. Gjatë sezonit të thatë në Sudanin e Jugut midis dhjetorit dhe majit, banorët ruralë nga zonat e larta zhvendosen në fushë dhe afër Nilit, ku ngrenë kampe të mëdha për bagëtinë në mënyrë që t’u sigurojnë ushqim dhe ujë.Salisbury, Angli. Pjesëtarë të shërbimeve të emergjencave në veshje të gjelbra që mbrojnë nga agjentët kimikë, marrin prova në një tendë mbi stolin ku u gjetën spiuni rus dhe vajza e tij në gjendje kritike për jetën. Hetimet për përpjekjen për të vrarë Sergei Skripal janë zgjeruar tashmë, pasi policia bllokoi me shirita edhe varrin e gruas së tij, Ludmilla dhe djalit Aleksandër dhe konfirmoi se edhe 21 persona të tjerë kanë marrë trajtim mjekësor për shkak të incidentit. Polici që u ekspozua ndaj agjentit nervor që helmoi Skripalët, mbetet në gjendje kritike, por jashtë rrezikut për jetën.Buenos Aires, Argjentinë. Një vajzë mban një mesazh në kraharor që lexon: “revolucioni do të jetë feminist”, gjatë një demonstrate që shënoi ditën Ndërkombëtare të Gruas. Me dhjetëra mijë njerëz u mblodhën në kryeqytetin argjentinas për të dënuar dhunën ndaj grave.East Lansing, Michigan. Nacionalistët e bardhë përleshen me kundër-protestues përpara nisjes së fjalimit nga nacionalisti Richard Spencer, i cili popullarizoi termin “alt-right”, në universitetin shtetëror të Miçiganit. Spencer iu dha e drejta për të folur pas paditjes së universitetit ku janë marrë pushimet e pranverës.Tijuana. Një qen qëndron në anën meksikane të kufirit meksikan ndërsa presidenti Donald Trump pritet të vizitojë zonën javën e ardhshme për të inspektuar prototipet e murit që mund të shihen mbi murin ekzistues.Antalia. Capra Aegagrus, paraardhësit e dhisë shtëpiake që shihen në foto janë në listën e kuqe të specieve në zhdukje. Ato ngjiten mbi faqen e pjerrët të malit.Guta Lindore. Një djalë ecën në qytetin e rrethuar të Dumës. Forcat qeveritare siriane kanë marrë nën kontroll territore të mëdha nga kryengritësit në periferitë e Damaskut, duke e ndarë Gutan Lindore në dy pjesë e duke shtrënguar rrethimin mbi dhjetëra mijë civilë të bllokuar në zonë.Jamanli, Siri. Luftëtarë të opozitës siriane shihen ndërsa del tym në zonën ku po zhvillohen luftime me mbështetjen e forcave turke.Paris. Modelet paraqesin krijimet e Karl Lagerfeld për koleksionin vjeshtë-dimër 2018-2019 në javën e modës në Paris. Lagerfeld tërhoqi kritika të ashpra nga ambjentalistët pasi u mësua se kishte prerë disa drurë të vjetër për pasarelën.Milano, Itali. Aktiviste e Femen përballet me Silvio Berluskonin, liderin e Forca Italia, ndërsa ai voton në zgjedhjet e 4 marsit. Dy partitë populiste që shkaktuan trazirat më të mëdha në zgjedhjet italiane –lëvizja Pesë Yjet dhe Liga – janë në garë për të qenë të parat në ndërtimin e një shumice qeverisëse pasi zgjedhjet prodhuan “parlament të varur”.Rio de Zhaneiro, Brazil. Njerëzit ecin përkrah forcave të armatosura gjatë një operacioni kundër shpërndarësve të drogës në periferinë Vila Kennedy.Tchomia, republika Demokratike e Kongos. Kongolezët e zhvendosur brenda vendit shtyjnë një varkë për t’u arratisur në liqenin Albert drejt Ugandës. Ata i largohen dhunës ndër-komunale në rajonin Ituri dhe drejtohen për siguri në kampet e Ugandës.Xhakarta, Indonezi. Peshkatarët rregullojnë anijen e tyre prej druri ndërsa fëmijët luajnë futboll në afërsi të një vendndërtimit të një muri betoni në det.Nju Delhi, Indi. Mjetet janë bllokuar në trafik në një kryqëzim të autostradës. Kryeqyteti indian përballet me ndotje të lartë të ajrit shkaktuar kryesisht nga gazrat e makinave dhe nga djegia e të korrave në shtetet fqinje.Athinë. Shoferët grekë të taksive rrethojnë një makinë që ata thonë se është përdorur nga një shofer Uber gjatë një proteste.Francë. Çiklistët garojnë gjatë fazës 165 kilometërshe të turit të 76-të Paris-Nisë.Firence, Itali. Nxirret nga kisha gjatë ceremonisë së funeralit, arkmorti i lojtarit Davide Astori. 31-vjeçari u gjet i vdekur në dhomën e hotelit pas një sulmi në zemër, ndërsa do të luante me skuadrën e tij të nesërmen me Udinezen.Krasnoyarsk, Rusi. Garues për fluturimin e balonave gjatë kampionatit rajonal në lumin Jenisej të mbuluar nga akulli.Ky imazh i kompozuar vjen nga të dhënat e mbledhura prej misionit Juno në Jupiter të Nasës. Në të tregohet pjesa qendrore e polit të veriut të planetit dhe tetë rrathët që e qarkojnë atë. Përgatiti: Juli Prifti – /tesheshi.com/
