Fotografia e këtij prindi i cili është duke shitur stilolapsa në rrugë dhe në njërën dorë mban vajzën e tij të vogël, ka bërë xhiron në internet. Ajo ka nxitur reagimet e shumë njerëzve, të cilët janë mobilizuar të ndihmojnë Abdulin dhe Reem.
Më parë njerëzit kanë nisur të sensibilizohen në Twitter, nëpërmjet llogarisë #ByuPens dhe më pas ka nisur mbledhja e fondeve në IndieGogo, çka ka lejuar që të mblidhen 5 mijë dollarë vetëm gjatë 30 minutave të para.
Sensibilizimi ka qenë në një masë të madhe për dy të arratisurit sirianë dhe ka vijuar me ritme shumë të shpejta, saqë i ka kaluar 48 mijë dollarë brenda 18 orësh.
“Ndihmojmë Abdul dhe Reem me të holla në mënyrë që të kenë mundësinë të nisin një jetë të re”,- lexohet në faqen IndieGogo, dedikuar kësaj iniciative. “Abdul është një refugjat sirian, i cili vjen nga kampi i Yarmouk, një nga vendet më të këqija të jetesës në Siri. Është babai i ve i dy fëmijëve: Abdelillah, një djalë 9 vjeç dhe i Reem, vajzës 4 vjeç e gjysmë”./tesheshi.com/
