Ngjarjet më të rëndësishme të kësaj jave vijnë në fokusin e fotoreporterëve për të dokumentuar me imazhe, atë që fjalët ndonjëherë nuk arrijnë ta përshkruajnë.
Në përmbledhjen e “Al Jazeera”-s përfshihen shkrepje që nga demonstratat kundër skllavërisë, vizita e papa Franceskut në Azi e deri tek protesta e shoferëve të taksive në Spanjë.
Protestues marrin pjesë në një demonstratë kundër skllavërisë në Libi në hyrje të ambasadës libiane në Paris. Interpoli thotë se 40 trafikantë të dyshuar të qënieve njerëzore janë arrestuar dhe gati 500 viktima të tyre janë liruar në një operacion të gjerë policor në pesë vende afrikane.
Njerëzit rrëzohen ndërsa policia lëshon gaz lotsjellës për të mbajtur kontrollin e një turme që përpiqet të hapë me forcë rrugën në një stadium në Kenia, për të marrë pjesë në inagurimin e presidentit Uhuru Kenyatta në Nairobi.
Papa Francesku përshëndet besimtarët ndërsa arrin për të mbajtur meshën dhe caktimin e priftërinjve të rinj në Daka të Bangladeshit. Një protestues i maskuar mban një bombë tymuese gjatë një greve të shoferëve të taksive të cilët protestojnë për atë që thonë se është konkurrencë e padrejtë nga kompanitë e reja si Uber dhe Cabify, në Madrid, Spanjë.
Një protestues i maskuar mban një bombë tymuese gjatë një greve të shoferëve të taksive të cilët protestojnë për atë që thonë se është konkurrencë e padrejtë nga kompanitë e reja si Uber dhe Cabify, në Madrid, Spanjë.
Ushtarët e Koresë së Veriut ruajnë kufirin me Jugun pranë vendit ku dezertoi një ushtar koreano-verior, i cili kaloi kufirin më 13 nëntor, në fshatin Panmunjom, brenda zonës së demilitarizuar.
Një fermer transporton bar ndërsa mali Agung derdh hi të dendur vullkanik në ishullin e Balit, në Indonezi. Autoritetet thonë se dhjetëra mijë njerëz duhet të largohen nga zona që shtrihet 10 kilometra nga vullkani, pasi mund të ketë përhapje të materialit vullkanik. Shpërthimi i fundit i malit Agung, në vitin 1963, vrau rreth 1100 njerëz.
Njerëz të veshur me uniforma historike të ushtrisë franceze marrin pjesë në një inskenim të betejës së vitit 1812 të Berezinës, për të shënuar 250-vjetorin e betejës, pranë fshatit Bryli, Bjellorusi.
Kadetët e shkollës së përgjithshme Yermolov marrin pjesë në një stërvitje taktike ushtarake, ku përfshihen edhe studime të mbijetesës në pyll, në periferinë e qytetit jugor të Rusisë, Stavropol.
Mbështetës i Salvador Nasrallas, kandidatit presidencial nga Aleanca Opozitare kundër Diktaturës, bën me gjeste përballë policisë me uniform ndërsa pret rezultatet jashtë Gjykatës së Lartë Elektorale në Tegucigalpa, Honduras.
Një qen i Ushtrisë qëndron në pozicion ndërsa ushtarët e pensionuar japin përshëndetjen e fundit përpara se të largohen në Suqian, provinca Jiangsu në Kinë.
![Një ushtar izraelit qëndron me kompleksin e Xhamisë Al-Aksa në sfond [Dosje: Maya Alleruzzo/AP Photo]](https://tesheshi.com/wp-content/uploads/2024/12/Kolonet-izraelite-shkelin-status-quo-ne-ne-kompleksin-e-xhamise-Al-Aksa-360x180.webp)
