Nëse juve ju pëlqejnë pronat e vjetra dhe gjërat antike, atëherë kjo është shtëpia ideale që do t’ju bëjë të ndiheni si në vitet ’50-të të shekullit të kaluar.
Kjo është një banesë e cila nuk është rikonstruktuar që prej vitit 1952, kur janë blerë pajisjet e saj dhe duket si një udhëtim pas në kohë.
Robert dhe Freda Close e kanë blerë këtë banesë të përhershme të tyren, në nisje të viteve ’50 dhe e kanë dekoruar sipas stilit të vjetër, duke e mbajtur të pandryshuar për vite me radhë. Edhe 63 vite më vonë, banesa duket po njësoj, si në ditën e parë.
Çifti nisi të banojë në këtë shtëpi bashkë me tre fëmijët e tyre, Peter, Jean dhe David në vitin 1952. Pasi Robert ndërroi jetë në vitin 1999, Freda jetoi e vetme në shtëpi.
Shtëpia ka dalë në ankand pas vdekjes së Fredës në moshën 97-vjeçare dhe çmimi fillestar i saj, nga agjentët e shitjes, është 235000 paund
Djali 69-vjeçari i çiftit, Peter, i cili jeton në Francë, tha: “Erdhëm në këtë rrugë, pra në Allendale Road, ku ndodhet shtëpia, kur unë isha 7 vjeç. Të gjithë kanë menduar se kjo ka qenë shtëpia më e mirë e të gjithë rrugës. Shtëpia është ndërtuar nga John Lewis në vitin 1909, ku ai jetoi deri sa vdiq dhe më pas gruaja e tij e shiti. Më pas e bleu babai im dhe është radha jonë ta shesim tani”. /tesheshi.com/
