Henry Fraiser djaloshi nga Anglia që nga mosha 17 vjeçare ka mbetur i pa lëvizur nga pjesa poshtë qafës pas një aksidenti që pati me veturë. Mirëpo, kjo nuk e ka ndaluar atë të zbulojë talentin e tij të pabesueshëm që është pikturimi me gojë.
Duke përdorur të vetmit muskuj që i ka në funksion ata të qafës, Henry bën piktura të jashtëzakonshme me gojë. Ai pikturon sportistët, të cilët janë shndërruar në ikonë për ndjekësit e tyre, siç është rasti i legjendës së Arsenalit Thiery Henry.
Ndoshta rastësi për shkak të emrit mirëpo, Henry ka pikturuar Henryn teksa po inspirohej nga një festim i francezit në Emirates.
Kjo nuk ishte piktura e tij e vetme, pasi në të kaluarën ka pikturuar edhe emra të njohur të sportit dhe botës së filmave, si Usain Bolt, David Beckham apo Harry Poter. Henry Fraiser është djaloshi shembull për të tjerët, duke treguar kështu se nuk bën të dorëzohemi pavarësisht sfidave që na i servir jeta. /tesheshi.com/
