Nga larg duket si një skulpturë e madhe e një pule, e vendosur në mes të një xhungle në Indonezi. Në fakt bëhet fjalë për Gereja Ayam, e njohur si “Kisha Pulë”, e cila është një kishë gjigante në formën e pilës.
Struktura mbresëlënëse prej guri është braktisur në kodrat e Magelang, në zemër të Javës, ishullit kryesor të arkipelagut indonezian. Çdo ditë ajo tërheq qindra turistë, kuriozë dhe pelegrinë të besimeve të ndryshme që vijnë nga të gjitha anët e botës për ta admiruar e për ta fotografuar.
Sipas atyre që e kanë projektuar, kjo nuk do të duhej të ishte as një kishë e as një pulë, por një ‘shtëpi lutjeje në formë pëllumbi’. Realizimi i saj i kushtohet arkitektit Daniel Alamsjah, i cili në vitin 1990, gjatë një udhëtimi në Xhakartë, rreth 500 kilometra larg vendit ku është ndërtuar kisha, kishte një ‘vizion hyjnor’ dhe projektoi këtë strukturë, e cila u identifikua menjëherë si ‘kisha pulë’./tesheshi.com/
