Myslimanët nga e gjithë bota po festojnë Fiter Bajramin, ose siç e njohim edhe me emrin Bajrami i Madh. Kjo është një festë që organizohet në fund të muajit Ramazanit, i cili është një muaj i gjatë agjërimi.
Nisja dhe fundi i muajit Islam është vendosur duke u bazuar tek nisja e hënës së plotë. Shumë vende arabe dhe në Indonezi kanë deklaruar të premten si ditën e përfundimit të agjërimit, por në Oman dhe në Marok, festimet e Fitër Bajramit do të nisin të shtunën.
Kjo ditë e shenjtë, e cila është kremtuar në të gjitha shtetet e botës, edhe në ato me shumicë të krishterë (fotot i gjeni në galerinë e mëposhtme), nis me një lutje masive në xhami ose në zona të hapura, ku besimtarët i kërkojnë Allahut begati, shëndet e mirësi.
Më pas, gatuhet një drekë e bollshme për të festuar në fund të një muaji agjërimi, bëjnë vizita tek njëri-tjetri dhe shpërndajnë lëmoshë (bëjnë sadaka) tek më të varfrit . /tesheshi.com/
