Gjatë natës së të hënës, duke zbardhur e marta, në mes të qytetit të Korçës, në parkun “Rinia”, janë dëmtuar nga persona të paidentifikuar, disa statuja të vendosura së fundmi në këtë vend.
Si pasojë e aktit vandal, skulpturat janë rrëzuar nga platformat e tyre, duke u thyer e dëmtuar pjesërisht. Ato janë ndërtuar nga artistë të ndryshëm të botës dhe bëjnë pjesë në llojin e artit bashkëkohor.
Ngjarja është denoncuar nga vetë bashkia e qytetit të Korçës, e cila dënon këtë akt vandal. Nuk është hera e parë që episode të tilla ndodhin në parkun ‘Rinia’, pasi skulpturat janë dëmtuar edhe më parë, gjatë zbatimit të projektit. /tesheshi.com/
