Shridhar Chillal është një person, i cili ka rritur thonjtë e tij dhe nuk i ka prerë ato për 62 vite me rradhë dhe kjo ‘sakrificë’ është paguar e shpërblyer, pasi ai u njoh zyrtarisht nga Guinness World Records si njeriu me thonjtë e duarve më të gjata që është parë ndonjëherë.
Ai nuk i ka prerë gishtat e dorës së majtë që prej vitit 1952, kohë kur as Libri i Rekordeve Guiness nuk ishte publikuar ende. Gjatësia e thonjve të burrit është 909.6 cm. Ato janë matur në Prune City, Maharashtra, Indi, më 17 nëntor 2014.
Më mbresëlënësi nga të gjithë është gishti i madh i dorës, i cili është 197.8 cm dhe rrotullohet rreth vetes në fund të gjatësisë së tij.
Përfaqësuesit e Librit të Rekordeve Guiness udhëtuan personalisht në shtëpinë e Shirdhar, në Indi, për të matur gjatësinë e thonjve të tij dhe për t’i bërë fotografi rekordmenit të ri.
I pyetur se si kishin ndikuar thonjtë në jetën e tij, ai shpjegoi se ato janë shumë të dobëta, ndaj ai duhej të tregonte shumë kujdes ndërsa flinte. “Nuk mund të lëviz shumë. Thuajse çdo një orë, një orë e gjysmë, ose edhe në më pak kohë më duhet të zgjohem dhe të lëviz dorën nga njëra anë në tjetrën”,- rrëfen rekordmeni.
Megjithatë, ai duket se e shijon shumë faktin që është i veçantë dhe që njihet nga të gjithë. Padyshim, kjo ka edhe privilegjet e saj: “Nuk më është dashur kurrë të pres në radhë”,- thotë ai./tesheshi.com/
