Lindja natyrale në ujë është shndërruar tashmë në një eksperiencë mjaft të përhapur. Këtë herë bëhet fjalë për një çift nga Hauaji, të cilët kanë vendosur të bëjnë diçka shumë unike: të sjellin në jetë fëmijën e tyre në brendësi të oqeanit, të rrethuar nga delfinët.
Sipas tyre, i gjithë qëllimi është që të afrojnë sa më shumë fëmijën me këto kafshë, që në lindje dhe pse jo, ai të ketë mundësinë që një ditë të mund të kuptojë gjuhën e delfinëve.
Pavarësisht se ideja e Dorina Rosin e Maika Suneagle (emrat e dy prindërve) mund të duket tërësisht e rrezikshme apo e çuditshme, të tilla lindje janë bërë një fenomen mjaft i përhapur.
Shumë persona besojnë se delfinët kanë aftësinë të kurojnë një numër të madh problemesh shëndetësore. Të sjellësh në jetë një fëmijë nën ujë, mes tyre është një mënyrë për t’i siguruar jetëgjatësinë të sapolindurit.
Të shumtë janë edhe ata që e kritikojnë këtë praktikë, duke qenë se delfinët nuk janë kafshë kukulla, por kafshë të egra, të cilët shpesh mund të sillen edhe në mënyrë agresive. Ndër të tjera, edhe lindja në oqean mund të ketë rreziqe të shumta siç është tërheqja e peshkaqenëve si pasojë e rrjedhjes së gjakut. E megjithatë, Dorina e Maika nuk iu janë dorëzuar këtyre kritikave, por kanë sjellë në jetë fëmijën e tyre, ashtu siç ata dëshironin./tesheshi.com/
