Është një nga objektet më të njohura në botën e rrokut dhe shumë shpejt do të vendoset në ankand për kënaqësinë e të gjithë koleksionistëve. Bëhet fjalë për makinën historike, Porsche 356C Cabriolet, e cila i ka përkitur Janis Joplin dhe deri më tani është ekspozuar në Rock and Roll Hall of Fame Museum në Cleveland.
Makina është blerë nga Janis në vitin 1968, dy vite përpara se këngëtari të shkruante Mercedes Benz, një nga këngët që ndodhej në albumin Pearl. Ai i kërkoi një mikut të tij të lyente makinën, e cila ishte tërësisht e bardhë, në mënyrë artistike për ta shndërruar më pas në një makinë origjinale dhe lehtësisht të identifikueshme.
“Janis e niste makinën kudo, nga San Francisco në Los Angeles,- tregon Laura Joplin, motra dhe biografja zyrtare e këngëtarit,- kudo që shkonte, fansat e njihnin. Kur parkonte, pasi kthehej gjente përherë të paktën një pusullë në xhamin e makinës apo poshtë fshirëses”.
Porsche do të dalë në ankand më 10 dhjetor në New York nga Sotheby’s dhe mendohet se çmimi i blerjes së tij do të jetë mbi 400 mijë dollarë. Është një makinë aq ë famshme saqë ka qenë subjekt i shumë doku-filmeve, si ato që janë realizuar nën kujdesin e Muzeut të Rock and Roll Hall of Fame./tesheshi.com/
