Me erërat që fryjnë me 215 kilometra në orë uragani Harvey, i cili po përplaset me brigjet e Teksasit në Gjirin e Meksikës, ka shkuar në shkallën 4, nga 5 që është më e madhja.
Siç bën të ditur agjencia amerikane Asociatet Press, ky uragan mund të jetë më i keqi që ka goditur SHBA-në prej shumë vitesh.
Në mbrëmje sipas orës së SHBA, uragani është përplasur në Teksas me formë ciklonesh shirash shumë të rrëmbyeshëm dhe erëra shumë të forta.
Mijëra banorë janë larguar nga shtëpitë e tyre apo lokalet në bregun e madh të Gjirit të Teksasit dhe janë evakuuar në brendësi.
Qyteti i Houston që është i katërti për nga rëndësia e madhësia rrezikohet më shumë, pasi aty ndodhen edhe rafineritë e naftës, por edhe impjante të mëdhenj të industrisë kimike.
Guvernatori, Greg Abbott ka deklaruar se dëmet do të jenë shumë të mëdha dhe ka bërë thirrje për ndihmë nga qeveria federale.
Parashikimet flasin se “Harvey” do të jetë i njëjtë apo më i rëndë se uragani “Katrina”, i cili fshiu nga faqja e dheut kryeqytetin e shtetit të Luisiana-s, New Orleans.
Corpus Christi, qyteti që ndodhet më pranë qendrës së Uraganit është shkatërruar shumë.
Dennis Feltgen, nga Qendra Kombëtare e Uraganeve, flet për miliona njerëz që preken nga kjo stuhi dhe bëri thirrje që të ndiqen me kujdes të gjitha instruksionet.
Ndërkaq, Presidenti i SHBA, Donald Trump ka shpallur gjendjen e “fatkeqësisë kombëtare”. /tesheshi.com/
