Shumë pak mund të flitet me siguri të plotë për Korenë e Veriut, ndërkaq edhe më pak dihet për ushtrinë e saj. Ajo çfarë dihet me siguri, është fakti se Kim Jong Un disponon ushtrinë e katërt në botë për nga numri i ushtarëve dhe posedon arsenal bërthamor prej së cilës dridhet e tërë bota.
Ushtrinë e sotme të Koresë Veriore, e cila zë pozitën e katërt për nga numri i ushtarëve, e ka modernizuar dhe riorganizuar Kim Jong Un, pasi mori pushtetin në vitin 1994.
Në ushtrinë popullore të Koresë, siç njihet ndryshe edhe si Ushtria e Kimit, për momentin shërbejnë 1.2 milionë ushtarë aktivë, dhe 7.7 milionë rezervë.
Vetë Kim Jong Un kurrë nuk ka kryer shërbimin ushtarak, por qytetarët e këtij vendi janë të detyruar shkojnë në ushtri menjëherë pasi të përfundojnë shkollën e mesme.
Meshkujt kalojnë 10 vite, ndërsa femrat 7, në shërbimin ushtarak. Ata të cilët dëshirojnë të shkojnë në fakultet, mund ta shtyjnë përkohësisht atë.
Por, pas diplomimit janë të obliguar ta kryejnë shërbimin ushtarak, edhe pse për ta nuk vlen afati i njëjtë sikur për tjerët. Meshkujt me edukim të lartë, pas përfundimit të fakultetit kalojnë 5 vite në ushtri.
Për t’i motivuar të rinjtë të studiojnë shkencat natyrore, Kim Jong Un, vitin e kaluar ka vendosur që të shkurtojë shërbimin ushtarak në tri vite për ata që dëshirojnë të përcaktohen për cilëndo shkencë natyrore. Ky është i vetmi ndryshim në ushtrinë e Koresë Veriore.
Vitin e kaluar, Kim vendosi që shërbimi ushtarak të bëhet obligativ edhe për femrat. Deri në vitin 2015 shkuarja për femra ka qenë çështje e zgjedhjes personale.
Megjithatë, edhe pse ushtria është punëdhënësi më i madh në shtet, kushtet nuk janë edhe aq të mira. Ushtarët e Koresë Veriore shpesh janë të paushqyer mirë, dhe poashtu janë të ekspozuar ndaj ushtrimeve të vështira dhe të mundimshme.
Duke pasur parasysh se Korea Veriore është një prej vendeve më të izoluara në botë, askush nuk mund të thotë me siguri se me çfarë disponon ushtria me të cilën komandon Kim JongUn.
Ajo çfarë dihet me siguri është fakti se arsyeja pse Pyongyang ka aq pak aleatë në botë është fakti se që nga viti 2006, kryen në mënyrë të rregullt prova nukleare. Besohet se disponon edhe 1000 raketa me rreze të gjatë dhe rreze të shkurtë, 260 amfibie dhe 1300 fluturake. /tesheshi.com/
