Disa foto të një mësuesi që iu mëson nxënësve programin Microsoft pa kompiuter e vetëm në dërrasën e zezë, kanë bërë xhiron e botës.
Bëhet fjalë për një shkollë në Ganë, Afrikë, ku mësuesi Riçard Apia Akotu e publikoi veten në faqen e tij të facebook-ut, duke dhënë mësimin e rrallë.
“Mësimdhënia e teknologjisë informative në shkollat në Gana është shumë qesharake”, shkroi ai pranë fotove.
Ai sqaroi më pas se shkolla nuk kishte kompiutera që nga viti 2011, porse pasioni që ai kishte për lëndën e bënte që ta jepte me sa mundej shpjegimin, edhe nga fakti se lënda ishte provim.
“Më pëlqen të vënë fotografi interesante në Facebook. Unë nuk e dija se do të tërheqë një vëmendje të tillë”, tha Akoto, duke i hapur rrugën si padashje zgjidhjes së problemit.
Kompania Microsoft premtoi t’i sigurojë mësuesit kompiuterët e nevojshëm. /tesheshi.com/
