Auron Tare, ka servirur nga arkiva e tij një foto mjaft domethënëse, në kontekst të ironisë që shoqëron të gjithë të kaluarën historike, sidomos atë të fillimshekullit të 20-të.
Kanë qenë të parët italianët ata që kanë nisur ndërtimin e Lungomares së Vlorës, pikërisht ata që u hodhën në det nga Selam Musai me shokë; siç kuptohet kjo, nga statusi që shoqëron foton.
“100 vjet me pare ne 1917, trupat italiane te Armates se Lindjes filluan nje projekt per ndertimin e te pares Lungomare ne Shqiperi. Pas 3 vjetesh i hodhem Italianet ne det pa i lene qe ta perfundonin projektin e tyre. por ama na mori 100 vjet plot qe te perfundonim projektin italian. 100 vjet per nje Lungomare. Kjo eshte Shqiperia”, shkruan Tare.
Dhe kjo nuk është e para herë që serviren vepra të pushtuesit italian, apo dhe atij gjerman, siç ka po ashtu të atij osman, ku armiku, siç cilësohet kështu në historiografinë shqiptare të komunizmit, ende dominant si frymë, na rezulton më shqipëridashës se vetë shqiptarët. /tesheshi.com/
