Vijon të mos ketë të ndalur vesi i njohur i politikanëve shqiptarë që pozojnë me emra të huaj të politikës botërore, duke i servur më pas fotot e tyre në “tregun vendas” për të fituar sa më tepër kuota simpatie tek votuesi. Kështu, kreu i PD-së, Basha, i cili po zhvillon një vizitë në Shtetet e Bashkuara, e lajmëruar si pjesëmarrje në ceremoninë e inagurimit të Trump, marrë qenë present në një pritje të organizuar nga senatori Ted Cruz, ish-kandidat për president, duke ia përcjellë këtë përjetim personal opinionit shqiptar.
“Dje kisha nderin të isha i ftuar në pritjen e organizuar nga senatori Ted Cruz, me të cilin pata një nga bisedat më mbresëlënëse. Jurist i shkëlqyer, prokuror dhe avokat i suksesshëm i shtetit të Teksasit dhe njohës i rrallë i politikave publike, ai më ofroi këshilla interesante për të luftuar korrupsionin dhe forcuar drejtësinë”, ka qenë një shënim i Basha në facebook.
Dhe duke evidentuar faktin e një prejardhjeje dhe trendi jete të pazakont senatorit Cruz, si një njeri me baba kubanezo-spanjoll dhe nënë irlandeze, i lindur në Kanada dhe i rritur në Teksas, Basha ka konkluduar:
“Sot ai është figura kyçe e Senatit dhe një ndër politikanët më të rëndësishëm të Amerikës. Kjo karrierë është e mundur vetëm në një vend të lirë dhe të hapur për të gjithë”. /tesheshi.com/
