Nga Donat Maloku
Arrestimi i djeshëm nga i ish kryetarit të AAK-së Ramush Haradinaj nga autoritetet sllovene ka ngritur në këmbë jo vetëm institucionet e vendit, por edhe qytetarët, dhe personalitetet të ndryshme në Kosovë.
Kuvendi i Kosovës sot mbajti seancë të jashtëzakonshme për çështjen Haradinaj me ç’rast 65 deputetë votuan për dhe 8 abstenime, deputetët miratuan rezolutën e propozuar nga GP i AAK-së dhe të mbështetur nga të gjitha grupet e tjera parlamentare.
Rezoluta parasheh që Qeveria dhe Presidentja e Kosovës urgjentisht të kërkojnë nga autoritetet sllovene, që ish-kryeministrit të Qeverisë së Kosovës dhe Kryetarit të AAK-së, tani deputetit të Kuvendit të Kosovës z. Ramush Haradinaj, pa asnjë kusht dhe menjëherë t’i kthehet pasaporta diplomatike dhe t’i lejohet kthimi në Kosovë; Qeveria e Kosovës të kërkojë urgjentisht nga Brukseli pastrimin e menjëhershëm të listave, respektivisht të fletarrestimeve të lëshuara nga Serbia për ish-ushtarët e UÇK-së; dhe drejtimin i notës së protestës shtetit slloven nga institucionet e Kosovës.
Por, ish kryeministri Hashim Thaçi tani ministër i Punëve të Jashtme ka thënë se Rezoluta mund të prish marrdhëniet me Serbinë. “Sllovenia është një nga shtetet më mike të Kosovës. Ky incidentet nuk duhet të ndikoj në raportetet e shkëlqyera me Slloveninë”, ka deklaruar Thaçi.
AAK fton qytetarët për qetësi
Partia e Haradinajt, AAK-ja, ndërkohë ka ftuar qytetarët për qetësi dhe reagim dinjitoz qytetar në shprehje të pakënaqësisë me ndalimim e padrejtë të Kryetarit Haradinaj nga autoritetet e Sllovenisë. “Zyrtarët, anëtarët dhe simpatizantët e AAK-së nuk janë pjesë e asnjëlloj provokimi në raport me prezencën sllovene në Kosovë. AAK fton institucionet të veprojnë sa më shpejtë në mënyrë institucionale në raport me Republikën e Sllovenisë. Ndërsa, shprehja e pakënaqësisë së qytetarëve duhet të jetë në mënyrë paqësore dhe të dinjitetshme”, është kërkesa e AAK-së.
Ndaj, arrestimit të Haradinajt, avokati Tom Gashi i cili tha se Kosova dje e humbi rastin që të veproj si shtet serioz në mbrojtjen e ish kryeministrit Ramush Haradinajnga ndalimi skandaloz me fletëarrest të Serbisë. “Deputetet e Kuvendit të Republikës së Kosovës sot e kanë rastin që ta përmisojnë veprimin e djeshëm të Kosovës si shtet dhe ta mbrojnë Deputetin e Republikës së Kosovës Ramush HARADINAJ, apo ndoshta disa prej deputetëve edhe sot janë tepër të zënë në kalkulime personale me ndonjë ndërkombëtarë që ju “garanton” se ata vetë nuk do të arrestohen nga Gjykata Speciale. Deputet që kanë “garancione” të tilla nga ndërkombëtarët thonë se do ta votojnë Gjykatën Speciale në interes të forcimit të Kosovës si shtet, i cili shtet dje dështoj në mbrojtjen e Ramush HARADINAJT”, ka shkruar avokati Gashi, në profilin e tij në Facebook.
Edhe, gazetari Milaim Zeka, është shprehur i shokuar me arrestimin e kreut të AAK-së. Zeka përmes një shkrimi në Facebook, arrestimin e Haradinajt e ka quajtur turp për EULEX-in, për Qeverinë e Kosovës dhe Qeverinë e Sllovenisë. “Ramushi si njeri, duhet te ndihet krenar, që Serbia e ka halë në sy. Madje mbrëme po mendoja vetmevete, thosha shyqyr që Vuçiqi e Daçiqi nuk janë femra, se kur të kishin ngelë shtatzëna, beso që kishin abortu sapo ta kishin pa foton e Ramushit.
A Sllovenia besoni që e ka turpëru vetëm qeverinë e Kosovës”, është shprehur Zeka.
Ndërkohë, deputeti i pavarur, Shaip Muja, në seancën e jashtëzakonshme të Kuvendit që u mbajt sot për ndalimin e djeshëm të Ramush Haradinajt në Slloveni, ia ka dorëzuar pasaportën e tij, kryetarit të Kuvendit, Kadri Veselit, si shenjë pakënaqësie. “Le t’i dorëzojmë të gjithë këto pasaporta diplomatike që nuk kanë kurrfarë vlere. Kosova është duke u eksperimentuar dhe duke i sjellë qytetarët e vetë në pozita të palakmueshme. Reagimi i institucioneve të Kosovës është i turpshëm. Reagojnë në mënyrë romantike dhe të turpshme duke mos thënë asnjë fakt se pse u shkel e drejta pasaportës diplomatike?. Pse u shkel viza e Shengenit. Duket se ne nuk kemi asnjë vlerë as si shtet as si shoqëri. Ne duhet shumë shpejt të shohim secilin ratifikim deri tani me Sllovenine dhe t’i anulojmë që tani. Ne duhet të shkojmë ta padisim ne gjykatat tona Aleksander Vuçiq, Ivica Daçiq, si vrasës, si shkelës, si fshehës të dëshmive të shumë qytetarëve. Kosova duhet të dërgojë edhe notë proteste. Nëse Ramush Haradinaj nuk do të ishte deputet ai automatikisht do të shkonte në burg, kjo është çështje edhe e qytetarëve të tjerë që mund të përballen me këtë”, ka deklaruar Muja.
Lideri i AAK-së, Ramush Haradinaj ka thënë për N1 se nuk i frikësohet ekstradimit në Serbi por ka shtuar se në rastin e tij Sllovenia është sjellë turpshëm.
“Unë jam në Lubjanë, po pres vendimin për t’ma kthyer pasaportën që të udhëtojë drejt Prishtinës. Kjo sitiatë është e papranueshme për mua, që Sllovenia nuk e ka pastruar këtë punë. Nëse nuk është gabim i tyre, nëse sistemi i tyre nuk ka gabuar, atëherë ky është një qëllim i keq i autoritetete këtu. Nuk brengosem fare për Serbinë, unë jam qytetar i Kosovës” ka thënë Haradinaj.
Ende nuk dihet sa do të zgjas procedura në Gjykatën e Kranjës, në mënyrë që Haradinajt t’i mundësohet të udhëtoj për Kosovë.
Ndryshe, Haradinaj është në liri, dhe ai pritet të kthehet sot ose më së largu nesër në Prishtinë. /tesheshi.com/
