Më 12 mars, vrapuesi gjerman i distancave të gjata, Kai Markus u nis nga qyteti i Hamburgut drejt Lindjes së Largët për të rindjekur itinerarin e “Rrugës së Mëndafshit”. Vrapimi i tij do të zgjasë 12 mijë kilometra, me itinerar kontinentin Europian dhe Aziatik. Pas 8 muajsh, Markusi do të mbërrijë në Shangai të Kinës Lindore. Ai dëshiron që vrapimi i tij të nxitë shkëmbimet kulturore midis Kinës dhe botës perëndimore dhe të tregojë mbështetjen e tij për nismën strategjike të Kinës “Një brez, një rrugë”. Kompania kineze e pajisjeve sportive, 361°do ta financojë me të gjitha pajisje profesioniste gjatë vrapimit.
“Një udhëtim prej qindra kilometrash nis me një hap të vogël”, shprehet Markusi, duke iu referuar një fjale të urtë kineze.
Udhëtimi i tij prej 12 mijë kilometrash do të jetë një ndër vrapimet më të gjata në historinë e njerëzimit, i kryer nga vrapues amatorë. Pas nisjes nga Hamburgeri, ai do të përshkojë me vrap Gjermaninë, Poloninë, Bjellorusinë, Rusinë, Kazakistanin, Uzbekistanin, Kirkizistanin dhe do të hyjë në territorin e Kinës nga rajoni autonom i Singjian-Ujgurit. Në brendësi të territorit kinez, Markus do të arrijë në Shangai pas udhëtimit në provincat Gansu, Shaanxi, Hubei, Jiangsu, Shandong etj. Tërë vrapimi do të përshkojë 8 shtete në 2 kontinente, në afro 235 ditë. Ndërsa, për hedhjen e mbi 18.5 milionë hapave, ai do të përdorë mbi 30 palë këpucë vrapimi të markës “361°”.
Kai Markusi ka lindur në vitin 1972 në landin e Bayern-it. Ai merret me konsultime dhe menaxhim të financave, por ka qenë gjimnast dhe anëtar i klubit të polumbarëve vullnetarë. Si një adhurues i vrapimit në distanca të gjata, Markusi ka provuar vrapimin prej 1000 kilometrash, nga qyteti Flensburger në Zugspitze, në majën e vargmalit Alps në Gjermani si dhe 750 kilometra nga Nurnbergu në Paris.
Përsa i përket këtij vrapimi që rrallë kryhet nga amatorët, Markusi tha se prej 5 muajsh po përgatitet për të përballuar sfidat e mundshme. “Kam bërë stërvitje të shumëllojshme, për shembull, vrapim në errësirë, anës vijës hekurudhore për të kapërcyer frikën. Gjithashtu jam ushtruar në not, dhe tenis, kam kryer 540 kilometra ekskursion me 20 kilogram bagazhe, fjetje në tendë në dimër, testim të pajisjeve në kushte të ndryshme natyrore, zotërim të metodave të vetëshpëtimit, studim më të thellë të itinerarëve të ;Rrugës së Mëndafshit’etj.”. /tesheshi.com/
