Gjermani Sebastian Vettel ka triumfuar me Ferrarin e tij në Çmimin e Madh të Britanisë, duke kapur kreun e klasifikimit për pilotë, me 8 pikë avantazh ndaj vendit të dytë, Luis Hamilton me Mercedez.
Ky i fundit nuk ka mundur të kurorëzohet në atdheun e tij.
“Gara ishte e mrekullueshme dhe mendoj se publikut i pëlqeu shumë”, u shpreh Vettel.
Ajo u përcaktua nga një duel mes Vettel-it dhe Valtter Bottas-it, edhe ky i fundit me Mercedez. “Mendoj se e befasova Bottas-in duke e parakaluar në një pikë ku nuk isha as vetë i sigurtë se do ta merrja kthesën. Për fat, gjithçka shkoi mirë “, deklaroi Vettel. /tesheshi.com/
