Nga Blendi Gashi
Koalicioni fitues i zgjedhjeve PDK-AAK-NISMA pas shpalljes së fitores është shprehur e bindur se do të formojë qeverinë e re ashtu edhe si Lëvizja Vetëvendosje edhe pse asnjëra prej tyre nuk kanë fituar shumicën që do t’ia mundësonte këtë gjë.
I propozuari për kryeministër nga ky koalicion Ramush Haradinaj i cili së bashku me kreun e PDK-së Kadri Veseli të dielën pas mesnate dolën në kryeqytet për të festuar pa Fatmir Limajn e NISMA-s, është deklaruar se nuk e sheh problem formimin e ekzekutivit, por nuk ka treguar se si do e bëjë atë kur të gjitha subjektet tjera VV, LDK, AKR, Alternativa janë shprehur se në asnjë rrethanë nuk hyjnë në bashkëqeverisje me “koalicionin e luftës”.
Dhe nëse këto parti mbajnë fjalën formimi i qeverisë nga koalicioni fitues do jetë i pamundur edhe nëse marrin 20 votat e minoritetit serb, pasi bashkarisht do i kenë 59 vota, dhe atëherë çdo gjë mbetet në dorën e presidentit nëse do t’ia jap mandatarin partive tjera që bëjnë 61 deputet apo do e çojë sërish vendin në zgjedhje.
Edhe i nominuari i VV-së për kryeministër Albin Kurti pikërisht shpresat i mbanë te LDK-ja dhe aleatët e saj të cilave dje u bëri thirrje t’i bashkohen VV-së për siç tha “për ta çuar në opozitë regjimin e vjetër”.
Analistët politikë kanë mendime të ndryshme rreth asaj se kush do e krijon qeverinë e re.
Analisti politik, Islam Kransiqi, thotë se si partia fituese do bëj çmos për të formuar qeverinë dhe shpresat e vetme i ka tek “koalicioni i paqes”.
“PAN-i është duke i shfrytëzuar të gjitha mundësitë që ta ndajë koalicionin e LDK-së, pra t’ia shkëpusë AKR-në dhe Alternativën, dhe me deputet e tyre të sigurojë formimin e qeverisë”, thotë Krasniqi, për tesheshi.com.
Kurse sa i përket mundësisë që NISMA të braktisë PDK-AAK-në, Krasniqi nuk e mohon që partia e Fatmir Limajt ka filluar të bëj ca lëvizje taktike që të jetë në qendër të vëmendjes, por nuk beson që mund t’i bashkohet VV-së, pasi gjasat janë të vogla që mandatari t’i jepet kësaj partie, ndërsa nuk e përjashton mundësinë e një bllokade të re politike.
Por analisti tjetër politik, Arsim Haziri mendon se gjasat më të mëdha për formimin e qeverisë i ka partia e Visar Ymerit edhe pse pranon se situata e prodhuar pas zgjedhjeve mund tё inicoj skena tё ndryshme politike.
“Gjasat e mё të mëdha i ka Lёvizja Vetëvendosje qё tё formojë qeverinё, gjithnjё duke e llogaritur qëndrimin e bentonizuar tё LDK-sё, se nuk do bashkohet me PDK-në. Zgjidhja ideale pёr ikje prej mjerimit tё pёrgjithshёm ёshtё formimi i njё qeverisje me emra tё rinjё dhe me njё ideologji tё pastёr, mbi tё gjitha me orientim tё drejtë dhe qytetarё. Java e ardhshme konsideroj se do tё nxjerrё shumë zhvillime tё shpejta ku subjektet politike do të pёrndjekin interesat e tyre”, thotë Haziri, për tesheshi.com.
Kutjojmë se ndërkombëtarët si dhe presidenti në detyrë Thaçi menjëherë pas zgjedhjeve kanë deklaraur se qeveria duhet të formohet sa më parë në mënyrë që të adresohen çështjet emergjente, siç janë Demarkacioni me Malin e Zi, krijimi i Asociacionit të komunave me shumicë serbe, formimi i ushtrisë e liberalizimi i vizave.
