Pasi u bë i njohur edhe ekipi i fundit që plotësoi pjesmarrjen e të gjitha skuadrave në Botërorin e Rusisë, qw është Peruja, e cila fitoi play off – in me Zelandën e Re me rezultatin 2-0, kanë filluar të bëhen “bilance”.
Natyrisht “bilancet” sportive nuk janë si ato financiare, sepse në futboll ka fitues dhe humbës. Pikërisht mediat kanë nxjerrë një formacion me lojtarë shumë të mirë që kanë humbur të drejtën për të qenë në Rusi.
Formacioni i të humburve “të mëdhenj”, fillon me legjendën italiane Bufon në portë, vijon me mbrojtësin austriak Alaba (Bajern) në krahun e majtë, e ekuadorianin Valencia (Mancester United) në krahun e djathtë. Qendra e mbrojtjes përbëhet nga Bonuci i Italisë (Milan) dhe De Vrij i Holandës (Lazio). Në mesfushë janë vendosur 3 lojtarë të mirënjohur klubesh, si Pjanic i Bosnje-Hercegovinës (Juventus), Vidal i Kilit (Bajern) dhe Strootman i Holandës (Roma). Ndërsa në formacionin e të humburve “të mëdhenj”, sulmi i është “besuar” uellsianit Bale (Real Madrid), kilenit Alex Sanchez (Arsenal) dhe sulmuesit boshnjak Dzeko (Roma).
Kur rendit këtë formacion me lojtarë klasi në ccdo pozicion, natyrisht krijon keqardhje që asnjë prej tyre nuk do të shohim të luajë në kampionatin më të rëndësishëm të globit, por futbolli i tillë është: mund të jesh yll, por pa skuadër e pa objektiva, je yll i munguar. /tesheshi.com/
