Ndikimi rus në rajonin e Ballkanit prej kohësh trajtohet nga mediat ndërkombëtare.
Administrata amerikane shpeshherë ka folur mbi ndikimin rus në këto vende, gjë që është pasqyruar edhe në vizita të herëpashershme të zyrtarëve, kongresmenëve apo senatorëve amerikanë në disa nga vendet e Ballkanit.
Revista Foreign Affairs së fundmi shkruan për ndikimin e Moskës në procesin e integrimit të vendeve të Ballkanit Perëndimor në BE dhe NATO.
Sipas kësaj reviste, synimi i radhës i Rusisë në rajon është shteti i Bosnjes.
“Moska synon që të mbajë Bosnjen jashtë NATO-s dhe BE-së, me ndihmën e aleancës me presidentin e Republikës Serbe Milorad Dodik dhe kryesuesin aktual të Presidencës së Bosnjes nga radhët e popullit kroat, Dragan Çoviç”, shkruan revista. /tesheshi.com/
