Prodhuesi amerikan i makinave Ford do të jetë sërish aktiv në garat e Formula 1 nga viti 2026 dhe do të hyjë si partner i Red Bull, kampionit aktual botëror, raporton agjencia Reuters.
Ford do të bashkojë forcat me Red Bull Powertrains, një kompani e krijuar për të projektuar njësitë e fuqisë për ekipet Red Bull dhe AlphaTauri, sapo të skadojë kontrata aktuale me Honda.
Prodhuesi amerikan i automobilave njoftoi se do të sjellë në partneritet ekspertizën në fusha duke përfshirë teknologjinë e baterive dhe motorëve elektrikë, si dhe mbështetjen dhe analitikën e softuerit të sistemit të fuqisë.
Prodhuesi i tretë më i suksesshëm i motorit
Red Bull Ford do të prodhojë njësi fuqie për të dy ekipet në pronësi të Red Bull deri të paktën në vitin 2030.
“Lajmi që Ford po hyn në Formula 1 nga viti 2026 është i mrekullueshëm për sportin dhe ne jemi të ngazëllyer që do t’i bashkohet partnerëve të jashtëzakonshëm të automobilave tashmë në Formula 1”, tha shefi i operimit të Formula 1, Stefano Domenicali.
Në vitin 2004, Ford shiti ekipin e tij Jaguar te Red Bull dhe kampionët aktualë të botës ende përdorin fabrikën në Anglinë qendrore si bazën e tyre.
Ford është prodhuesi i tretë më i suksesshëm i motorëve në historinë e Formula 1. /tesheshi.com/
