Forcat Speciale kanë rrethuar gjykatën në prag të procesit ndaj grupit, i cili u përplas me policinë maqedonase me 9 maj të këtij viti në Lagjen e Trimave në Kumanovë.
Bilanci i këtij incidenti ishte 8 policë të vrarë dhe 10 persona humbën jetën nga grupi i armatosur. Më shumë se gjashtë muaj 29 personat të cilët iu dorëzuan policisë dhe qëndrojnë në paraburgim, sot për herë të parë dalin në gjykatë për të dëshmuar rastin.
Ndërkohë, në gjykatën penale Shkupi 1 do të mbahet seancë publike ku pjesëtarët e grupit të armatosur do të japin dëshminë e tyre se pse kanë qenë të pranishëm në Lagjen e Trimave në Kumanovë.
Nga ana tjetër mësohet se avokatët mbrojtës kanë paraqitur ankesë duke konsideruar se aktakuza për rastin është i pabazë. Në seancën e rregullt Këshilli gjyqësor republikan duhet të vendosë të pranojë aktakuzën ose të kërkojë që të përpunohet./tesheshi.com/
