Ushtria ruse ka filluar të tërheqë forcat e saj nga Afrini i Sirisë të premten, ndërsa Turqia po përgatitet të kryejë një operacion ushtarak kundër Njësive Mbrojtëse të Popullit të PKK (YPG), njofton agjencia e lajmeve Anadolu.
Forcat ruse të sigurisë të vendosura në rajonin verilindor të Kafr Jana të qytetit Afrin, filluan të braktisin zonën, sipas burimeve të besueshme në Afrin.
Ndërkohë, një tjetër raport i agjencisë Anadolu tha se ushtria amerikane kishte stacionuar rreth 1,000 terroristë të YPG në qytetin Tal Abyad përgjatë kufirit turk pas kryerjes së misioneve të rishikimit në zonë.
Raportet erdhën menjëherë pasi ministri turk i Mbrojtjes, Nurettin Canikli tha se Rusia e informoi Turqinë lidhur me planet e saj për të tërhequr asetet e saj ushtarake nga rajoni sirian.
Ministri tha se bisedimet midis zyrtarëve turk dhe rusë lidhur me operacionin do të vazhdojnë. Një operacion në Afrin, një rajon që kufizohet me krahinat Hatay dhe Kilis të Turqisë, pritet gjerësisht pas operacionit të suksesshëm Mburoja e Eufratit të Turqisë në Sirinë veriore, i cili përfundoi në mars 2017.
Regjimi i Bashar Assad e dorëzoi Afrinin në duart e grupit terrorist të YPG pa luftë dhe aktualisht ka rreth 8,000-10,000 terroristë në zonë. Pasi Turqia lëshoi disa paralajmërime të ashpra për një operacion të pashmangshëm, terroristët në Afrin tani janë fshehur në strehimore dhe istikame në zonat e banuara atje. /tesheshi.com/
