Të përfshirë në një betejë tremujore për ta nxjerrë ISIS-in jashtë Sirtes, forcat besnike të qeverisë së njohur ndërkombëtarisht të Libisë deklarojnë se janë pranë përmbushjes së objektivit.
Forcat libiane janë të përbëra përgjithësisht nga brigada prej Misratës, e ato janë ndihmuar që në fillim të gushtit nga sulmet ajrore amerikane mbi pozicionet e ISIS-it.
Sipas forcave libiane, ata kanë marrë një lagje kyç në zemër të qytetit, duke qënë gjithnjë e më pranë çlirimit të qytetit.
ISIS-i e mori kontrollin e qytetit vitin e shkuar, duke kontrolluar rreth 250 kilometra hapësirë. Por ISIS-i nuk ka arritur të shtrihet më tej, ndërkohë që humbja e Sirtes do të ishte një goditje e madhe për të.
Forcat e qeverisë së njohur ndërkombëtarisht dhe ato të autoritetit rival në lindje janë aktualisht në garë për të qenë të parët që do ta nxjerrin ISIS-in jashtë qytetit.
Libia gjendet në mes të trazirave që nga viti 2011, kur do të rrëzohej nga pushteti Gaddafi. /tesheshi.com/
