Luftime të ashpra vijojnë në qytetin verior të Afganistanit, Kunduz një ditë pasi trupat qeveritare nisën kundërofensivën për të marrë qytetin nga kontrolli i talibanëve.
Agjencitë e lajmeve thonë se talibanët janë ende në zotërim të qytetit, madje po inkurajojnë banorët të mos largohen nga Kunduzi. Sipas agjencive, ata janë duke u përpjekur të kenë mbështetjen e popullsisë lokale.
Sulmet ajrore amerikane ndalën, sidoqoftë, marrjen e aeroportit që është një pikë e fortë e ushtrisë afgane.
Rënia e Kunduzit përfaqëson fitoren më të madhe të talibanëve që nga viti 2001 dhe Shtetet e Bashkuara pranuan disfatën, por thanë se kanë besim se forcat afgane do të rimarrin qytetin.
Aktet e dhunës janë shtuar ndjeshëm në Afganistan që nga largimi i trupave të huaja në vitin 2014.
Trupa të NATO-s tashmë kanë mbërritur në qytet, thonë agjencitë, edhe pse nuk dihet numri i saktë i këtyre forcave speciale. Gjatë natës, ka pasur përleshje pranë Kunduzit, por është ende e paqartë sesa përqind e qytetit është e talibanëve dhe sa në duart e ushtrisë afgane./tesheshi.com/
