Shtetet e Bashkuara kanë filluar ndërtimin e dy bazave të reja ushtarake në provincën siriane të pasuruar me naftë Deir ez-Zor, raportojnë mediat turke.
Burime lokale pa emër thonë se bazat e reja janë duke u ndërtuar pranë rajonit al-Sur.
Pamje të marra nga reporterë të AA-së tregojnë një numër të madh të pajisjeve të ndërtimit në terren, ku burime pa emër thanë se SHBA dërguan një shtesë 250 deri 300 trupa në rajon dhe automjete ushtarake, artileri dhe municion.
Në mes të pauzës në operacionin antiterror të Turqisë “Burimi i Paqes”, ushtria amerikane të premten rifilloi patrullimin e burimeve të naftës në veri të Sirisë.
Ky zhvillim vjen pas deklaratave publike të presidentit Trump për mbajtjen e kontrollit të burimeve të naftës në Siri. Madje Trump shfaqi qartazi pragmatizmin e tij kur tha se bëhet fjalë për milion dollarë të ardhura nafte në javë. Ndërsa operacioni turk sipas tij, kalon në plan të dytë.
Forcat turke filluan Operacionin “Burimi i Paqes” më 9 tetor në veri-lindje të Sirisë. Qëllimi i operacionit është të eliminojë organizatën terroriste YPG / PKK në bregdetin lindor të Eufratit, në mënyrë që të sigurojë kufirin turk dhe të krijojë një zonë të sigurt për kthimin vullnetar të refugjatëve sirianë në rajon. /tesheshi.com/
