Klubi profesionist i futbollit amerikan Dallas Cowboys kryeson listën e klubeve sportive më të vlefshme në botë për të gjashtin vit radhazi, sipas revistës së specializuar financiare Forbes.
Forbes vlerësoi vlerën e Cowboys në tetë miliardë dollarë, që është madje 40 për qind më shumë se vlera e vitit të kaluar.
Në vendin e dytë dhe të tretë janë klubet e NFL, të dytat janë New England Patriots, vlera e të cilëve vlerësohet në 6.4 miliardë dollarë dhe të tretit janë kampionët aktualë Los Angeles Rams me 6.2 miliardë, transmeton Reuters.
Rreth 30 klube NFL
Pasojnë dy klube nga New York-u, klubi i bejsbollit New York Yankees është i katërti me një vlerë prej gjashtë miliardë dollarësh dhe ekipi i basketbollit i New York Knicks është i pesti me 5.8 miliardë dollarë.
Klubi më i vlefshëm evropian është kampioni evropian i futbollit Real Madrid, i cili është në vendin e 13-të me 5.1 miliardë dollarë.
Në listën e 50 klubeve më të vlefshme, 30 prej tyre vijnë nga NFL, tetë nga futbolli (katër nga Premier League angleze, dy nga Primera spanjolle dhe nga një nga Franca dhe Gjermania), shtatë nga NBA, dhe pesë nga MLB. /tesheshi.com/
