Instituti i Shoqërisë së Hapur i miliarderit filantropist lindur në Hungari, George Soros tha se ka depozituar një padi në Gjykatën Evropiane të të Drejtave të Njeriut kundër Gjykatës Kushtetuese të Hungarisë, për ligjin e futur kohët e fundit kundër organizatave joqeveritare që punojnë me refugjatët dhe azilkërkuesit.
Drejtori i Fondacionit, James Goldstone tha se procedurat ligjore janë krijuar për të kundërshtuar legjislacionin i cili synon për të “trembur dhe të heshtur zërat e pavarur në Hungari.”
Ligji i quajtur “Stop Soros”, miratuar në qershor, parashikon burg deri në një vit për njerëzit që ndihmojnë azilkërkues, dhe në korrik, ligji futi taksën prej 25 për qind ndaj ndihmës financiare për ato grupe nga jashtë që promovojnë migrimin.
Sipas avokates së Fondacionit, Daniela Ikawa, ligjet hungareze shkelin Konventën e BE-së për lirinë e shprehjes dhe organizimit, si dhe gamën e madhe të aktiviteteve të ligjshme me kërcënimin e ndjekjes penale.
Fondacioni për Shoqëri të Hapur mbështet disa organizata jo-qeveritare që janë në shënjestër nga politikat anti-emigrantëve të kryeministrit hungarez Viktor Orban. /tesheshi.com/
