Presidenti i skuadrës angleze Leeds United, Massimo Cellino, ka fobi nga numri 17, të cilin është munduar ta evitojë gjatë gjithë jetës së tij. Kjo shifër është e padurueshme për italianin, që është në gjendje të bëjë gjithçka vetëm për të mos e përmendur, pasi, siç thotë ai, nuk i sjell asnjëherë fat.
Obsesioni i tij nga numri 17 është parë edhe tek revista e radhës e klubit anglez, që do duhej të kishte
këtë numër, mirëpo doli në qarkullim me numrin 16B.
Në vitin 2014, kur erdhi tek Leeds United, Cellino do të hiqte numrin 17 nga përdorimi, dhe asnjë lojtar nuk do të mundej të vishte një fanelë me atë numër.
Gjithashtu ky numër është hequr edhe nga ulëset e stadiumit “Elland Road”, ndërsa kulmi do të arrinte me largimin e “gardianit” Paddy Kenny, i cili u përjashtua nga klubi veçse kishte lindur në datën 17 të muajit maj.
Fobia e tij nga numri 17 vjen pas periudhës si president i Cagliari-t në Itali, me ç’rast, gjatë 20 viteve të kësaj përvoje, vetëm njëherë pati fituar në ditën e 17-të. /tesheshi.com/
