Drejtoresha e Fondit Monetar Ndërkombëtar (FMN), Kristalina Georgieva tha se tërheqja në proteksionizëm mund të dobësojë perspektivat për një rimëkëmbje globale në një kohë kur ekziston mundësia e “skenarëve edhe më negativë” në varësi të zhvillimit të pandemisë koronare.
Në një takimin në internet, të organizuar nga Instituti i Universitetit Evropian, ajo tha se ka ende shumë paqartësi kur bëhet fjalë për pasojat shëndetësore dhe ekonomike të pandemisë.
E pyetur se sa e shqetësuar ishte ajo që tensionet në rritje midis SHBA-së dhe Kinës mund të kërcënojnë ekonominë globale, Georgieva tha se ishte “me rëndësi të jashtëzakonshme t’i rezistosh diçkaje që mund të jetë një tendencë natyrore për t’u tërhequr përtej kufijve tanë”.
Rivendosja e tregtisë botërore është thelbësore për të siguruar një rimëkëmbje ekonomike globale, përfundoi shefja e FMN. /tesheshi.com/
