Fondi Monetar Ndërkombëtar i bën presion kreditorëve të Greqisë të lehtësojnë borxhin për këtë vend, derisa ai të bëhet më i qëndrueshëm. Kështu FMN mund të ofrojë kredi të reja për shtetin grek.
Zyrtarë të FMN-së dhe ekspertë të tjerë besojnë se Greqia nuk do të jetë kurrë në gjendje që të paguajë plotësisht borxhin e saj.
Pavarësisht këtij qëndrimi të FMN-në, Berlini dhe vende të tjera të Bashkimit Europian nuk kanë pranuar të fshijnë ndonjë borxh të Greqisë, duke argumentuar se një gjë e tillë është e palejueshme e se vende të tjera mund të ndiqnin të njëjtën rrugë,
Vetë FMN në bazë të rregullores nuk lejohet të japë borxhe për vende që tashmë kanë borxhe që nuk I paguajnë dot.
Ndërkaq, në Athinë pas një debati të zjarrtë që ka zgjatur mbi 6 orë në parlament pritet votimi i marrëveshjes së re të dakordësuar të martën mes zyrtarëve grekë për përfaqësuesve ndërkombëtarë.
Greqia duhet t’i marrë fondet e ndihmës jo më vonë se më 20 gusht, kur duhet t’i paguajë borxhin prej 3.2 miliardë eurosh Bankës Qendrore Evropiane. /tesheshi.com/
