Pikëpamja ekonomike globale nuk është aq e zymtë sa ishte vlerësuar vetëm tre muaj më parë, tha zëdhënësi i Fondit Monetar Ndërkombëtar (FMN) Gerry Rice, duke përmendur performancën më të mirë se sa pritej nga Kina dhe ekonomitë e tjera të përparuara.
Ai shtoi se pikëpamja e përgjithshme globale mbetet sfiduese, si rezultat i pandemisë së virusit COVID dhe ndikimit të saj në shumë sektorë ekonomikë, raportoi Reuters.
Situata mbetet “e pasigurt” në shumë vende në zhvillim dhe tregje në zhvillim, përveç në Kinë, tha ai, duke vënë në dukje se FMN është e shqetësuar për rritjen e niveleve të borxhit.
Fondi pritet të publikojë një raport të ri mbi perspektivat ekonomike botërore në 13 tetor.
Në qershor, FMN thelloi më tej parashikimin e tij për rënien e produktit të brendshëm bruto global (PBB) për vitin 2020 në 4.9 përqind, krahasuar me vlerësimin e prillit të një rënie prej 3.0 përqind.
Rice nuk dha ndonjë shifër të re, por tha se të dhënat e fundit nga Kina dhe ekonomitë e tjera të zhvilluara janë më të mira se sa pritej.
Indikacionet e rikuperimit gradual
“Të dhënat që kemi marrë së fundmi sugjerojnë se parashikimi mund të jetë pak më i zymtë sesa në kohën e azhurnimit të raportit të 24 qershorit, pasi disa pjesë të ekonomisë globale kanë filluar të marrin një kthesë”, tha ai.
Ai shtoi se ka indikacione të një rikuperimi gradual të tregtisë globale pas bllokadës së përgjithshme, që synon frenimin e përhapjes së virusit.
“Unë do të theksoja, megjithatë, se rreziku nuk ka kaluar dhe se perspektiva mbetet shumë sfiduese, veçanërisht për shumë tregje në zhvillim dhe vendet në zhvillim, me përjashtim të Kinës,” tha Rajs, duke vënë në dukje se shumë përballen me dobësi të brendshmen nga rënia e remitancave dhe të ardhurat nga turizmi.
“Në përgjithësi, ne jemi të shqetësuar se kjo krizë nuk do të zhbëjë përparimin e bërë në vitet e fundit në uljen e varfërisë dhe arritjen e Objektivave të Zhvillimit të Qëndrueshëm,” tha Rice, duke iu referuar qëllimeve të Kombeve të Bashkuara të vendosura pesë vjet më parë për të zhdukur varfërinë dhe pabarazinë. /tesheshi.com/
