Kryetarja e Fondit Monetar Ndërkombëtar (FMN), Kristalina Georgieva, paralajmëroi se ekonomia globale kërcënohet me shpërbërje në blloqe ndërluftuese.
Në një fjalim në Bruksel, të quajtur “Të bashkuar kundër një bote të ndarë”, ajo deklaroi se bota është në një moment historik të rrezikshëm, shkruhet në deklaratën e FMN-së.
“Pas dekadave të integrimit global, ekziston një rrezik në rritje që bota të ndahet në blloqe ekonomike ndërluftuese. Ky skenar do të jetë i dëmshëm për të gjithë, përfshirë popullsinë e Evropës”, tha ajo.
Rreziku është veçanërisht i theksuar për faktin se kjo periudhë e rritjes ekonomike globale është “nën standardet historike”, shtoi Georgieva.
FMN parashikon se niveli i rritjes ekonomike globale në pesë vitet e ardhshme do të jetë rreth tre për qind, paralajmëroi kreu i FMN. /tesheshi.com/
