Arritja e qëndrueshmërisë së borxhit do të kërkojë reforma të mëtejshme nga ana e Greqisë si dhe ristrukturim të borxhit nga ana e vendeve të zonës euro. Fondi Monetar Ndërkombëtar paralajmëroi se mund të mos jetë pjesë e paketës së ndihmës për Greqinë nëse nuk zbatohen këto kushte.
FMN njoftoi se mund ta mbështesë programine e ndihmës vetëm nëse ka garanci për qëndueshmëri afatmesme të borxhit grek dhe që ai të jetë krejtësisht i mbuluar për 12 muaj.
Këto dyshime të shprehura nga FMN rrezikojnë të rindezin krizën greke, sidomos sa i takon Gjermanisë. Bundestagu në këtë vend ka përsëritur se nuk do të japë miratimin për paketën e re të shpëtimit prej 86 miliardë eurosh nëse nuk përfshihet edhe FMN. /tesheshi.com/
