Fondi Monetar Ndërkombëtar tha të enjten se Greqia do të duhet të marrë ndihma shtesë me vlerë 39.8 miliardë dollarë nga Bashkimi Evropian në tre vitet e ardhshme, madje edhe në qoftë se Athina bie dakord mbi planin e kreditorëve të parashtruar për referendum të dielën e ardhshme.
Fondi tha në një raport mbi borxhin grek, se vendi mund të kenë nevojë që të anullojë një pjesë të madhe të borxhit të saj, nëse rritja ngadalësohet më shumë se sa pritej, edhe nëse nuk zbatohen reformat e kërkuara ekonomike.
FMN sqaron në raport – i cili rrit presionin ndaj zyrtarëve të Eurozonës – që nevojat totale financiare për Greqinë vlerësohen rreth 50 miliard euro brenda tre viteve të ardhshme, pasi Fondi Monetar Ndërkombëtar parashikon që ulje të rritjes ekonomike greke në vitin aktual nga 2.5% në zero .
Ky institucion vuri në dukje se përveç këtyre fondeve të reja evropianët do të jenë të detyruar edhe për të shtyrë pagesën e interesave të borxhit grek, duke dyfishuar afatin e blerjes së bonove sovrane greke.
Fshirja e borxheve
Raporti – që FMN vendosi ta botojë në mënyrë të jashtëzakonshme katër ditë para referendumit të së dielës – shton: “Nëse shtrengohet akoma më shumë rripi i reformave të cilat po shqyrtohen aktualisht, anullimi i një pjesë të borxhit do të jetë i nevojshëm.” FMN u bëri thirrje kreditorëve evropianë të Athinës një javë më parë për të lehtësuar barrën e përgjithshme të borxhit e cila është afërsisht 180% e GDP-së së Greqisë.
FMN tha se situata financiare e Greqisë është përkeqësuar edhe më tej si rezultat i ndryshimeve të rëndësishme në politikat qeveritare që kur partia Syriza erdhi në pushtet në Greqi në fillim të këtij viti.
Burimi: Associated Press –tesheshi.com
