Një raport i përgatitur nga Fondi Monetar Ndërkombëtar për zyrtarët e G20-ës para një takimi në Shangai në fund të kësaj jave, e cilëson ekonominë globale në pozita të dobëta. Rënia e tregut të aksioneve dhe shenjat e dobësimit ekonomik e kanë detyruar FMN-në ta përshkruajë ekonominë globale si të brishtë, të cenueshme.
Raporti i FMN-së thotë se përtëritja e brishtë globale është dobësuar për shkak të rënies së çmimeve të naftës dhe të frenimit të rritjes ekonomike në Kinë e në vende të tjera.
Ky raport u sugjeron vendeve të G20-ës të kenë gati masa shtesë që mund të vihen në zbatim në një kohë të shkurtër nëse rritja ekonomike vijon të jetë e rrudhur.
FMN-ja u shpreh se vendet që gjendet në qendër të krizës së refugjatëve dhe të epidemive të tilla si të virusit Zika po mbajnë barrën e të tjerëve, e se mund të mbështeten vetëm nga një iniciativë globale e bashkërenduar. /tesheshi.com/
