Nëse situata ekonomike nuk përshpejton ritmet e e rritjes, do të duheshin dekada për shumë vende europiane të arrinin nivelin e papunësisë që kishin përpara krizës financiare. Këtë përfundim ka nxjerrë një studim i Fondit Monetar Ndërkombëtar, që vë re gjithashtu se edhe pse kriza duket se po kalon në mjaft vende, papunësia do të qëndrojë aty edhe për shumë kohë.
Kështu me ritmet aktuale të rritjes ekonomike, Spanjës do t’i duheshin 10 vjet, e pothuajse 20 vjet Portugalisë dhe Italisë për të reduktuar numrin e të papunëve deri në nivelin ku ishin përpara krizës.
Tre vendet në fjalë janë më të prekurat nga kriza e borxheve në eurozonë, madje analistë të shumtë e përflasin Italinë si vendin e radhës që mund të ndjekë një skenar të ngjashëm me falimentin grek, për shkak të borxhit të lartë. Spanja ka gjithashtu probleme me borxhin, ndërsa bankat portugeze u ndihmuan nga mekanizmi i Stabilitetit Financiar për të mbijetuar dy vjet më parë.
Receta që jep FMN për të reduktuar papunësinë është rritja e eficencës së sektorit publik dhe e fleksibilitetit te tregut të punës.
FMN ka caktuar një paketë reformash për vendet në krizë dhe me papunësi të lartë, mirëpo sërish nëse nuk ka rritje të shpejtë ekonomike, mund të mos ketë krizë, por papunësia do të vijojë të mbetet/tesheshi/
